მთავარი | საქართველოს ეროვნული ფონდი

კონდახსაზოვების ოჯახის ისანში დასახლების ისტორია საუკუნეების სიღრმეში იკარგება. ისინი დიდი ხნის მაცხოვრებლები ჩანან ისანში და ადრეული ხანიდანვე შამქორეთის ეკლესიის ქტიტორებად მოიხსენიებიან.
მეორე გილდიის ვაჭარ არშაკ არუთინის ძე კონდახსაზოვს (კოდახსაზიანცი) დიდი წვლილი შეუტანია შამქორეთის ეკლესიის (კარმირ ავეტარან - სომხ. წითელი სახარება) მშენებლობაში და 1858 წლის ერთ-ერთ საბუთში იგი ქტიტორად ყოფილა მოხსენიებული14. 1901 წელს შამქორეთის ეკლესიის მიმდებარედ, მის ჩრდილოეთით და სამხრეთ-დასავლეთით, არშაკ კონდახსაზოვი დუქნების მშენებლობის უფლებას ითხოვს 15 . ისანშივე, შამქორეთის ეკლესიის
აღმოსავლეთით, ხევის (დღევანდელი მაჭრის ხევის) თითქმის პირას, 1881 წელს არშაკ კონდახსაზოვის ოჯახის ერთ-ერთი წევრი ეგორ კონდახსაზოვი საკუთარ სახლზე მეორე სართულის დაშენების უფლებას ითხოვს 16. 1898 წლის კავკაზსკი კალენდრის მონაცემის მიხედვით, სტეფან კონდახსაზოვი შამქორეთის ქუჩის (улица Шамхорской церкви ) 18/22 ნომერში ცხოვრობს.
1897 წლის საკადასტრო რუკაზე კი მიწის ნაკვეთის გეომეტრიული ფორმა უკვე გამოკვეთილი ტრაპეციაა და არშაკ არუთინის ძე კონდახსაზოვს მონიშნავს.

საქართველოს ეროვნული ფონდი

შემადგენლობა

პარტნიორები/დონორები

მემკვიდრეობის დაცვა, შენარჩუნება და მართვა

საგანმანათლებლო საქმიანობა

ადვოკატირება

უახლესი

მედია ანონსები

პრესრელიზები

გახდი მოხალისე

გახდი წევრი

შემოწირულობა